ايوة يا سيدى بحبك

اه بحبك يا بقلظ

هو صحيح انا فى الاول كنت متضايقة منك حبتين عشان انت ما بطلتش عياط وصريخ من ساعة ما اتولدت
لكن لما فوقت كده وبقيت كويسة حسيت انى بحبك

بس انا مش عارفة بقى
انا بحبك عشان انت ابنى
ولا بحبك عشان انت صغير ومحتاجنى
ولا يمكن ده حب فطرى كده من الفطريات يعنى يتسحب فى قلب الواحد كده وهو مش حاسس
ولا كل دول ؟
المهم انى بحبك وخلاص
رغم كل الازعاج اللى بتعمله
ورغم انى عارفة انك عمرك ما هتحس انا قد ايه بحبك غير لما تكبر وتتجوز وتخلف
لكن انا بحبك برضه

خليك فاكر بقى انى قلتلك انى بحبك
عشان بعد كده لما اضربك واربيك ما تقوليش بتضربينى ليه
عشان بحبك يا بقلظ وعايزاك احسن واحد فى الدنيا

يللا كفاية عليك كده