Tuesday, November 30, 2010

ها يا بقلظ ؟ قلت ايه ؟

عم بقلظ
ماقلتش رايك ايه فى اللى بيحصل ؟
موافق يعنى تروح حضانة ولا هتعيط وتزعل منى ؟
ياترى هتسامحنى ؟
ولا مش هترضى تروح ؟
مهو بدل ماتكسر فى البيت وتوجع قلبى انا
تروح تلعب فى مكان مافيش حاجة بتتكسر فيه
وبدل ما تضرب فى العيال اللى بتجيلنا وتاخد منهم لعبك
تصاحب عيال قدك وتتعلم تلعب معاهم

ها نجرب؟
طيب لما نلاقيلك حضانة الاول نبقى نشوف رايك ايه

Tuesday, October 26, 2010

امتى بقى يا اخى هنخلص ونرتاح ؟

انت ياواد يا بقلظ
انت مش خلاص قربت تخلص تسنين وتعقل ؟
وخلاص الصيف جه اهو وحضرتك مابقتش بردان ؟
انت ياد مش هتكبر بقى وتعرف تعتمد على نفسك ؟
مش كفايه كده بقى المصاريف اللى بنصرفها عليك دى؟
امتى بس امتى ؟




















طلعت عينى ياخى من اسبوع وظهرى اتقطم منك
اقعد بقى ربنا يهديك واعملها وخلصنا
هتفضل تعاند فيا كده لحد امتى ؟
هنفضل لحد امتى بنجيب فى حفاضات


ربنا يهديك

دى لحبيبى طاطا الجميييييييييل

ياختى جماله حلو

ياختى جماله حلو